ఆపరేషన్​ ఎయిర్​లిఫ్ట్​: కొచ్చిలో విమానం ల్యాండింగ్​​

విదేశాల్లో చిక్కుకున్న భారతీయులను తరలించేందుకు అబుదాబి వెళ్లిన తొలి విమానం కేరళలోని కొచ్చి అంతర్జాతీయ విమానాశ్రయానికి చేరుకుంది. మొత్తం 177 మంది ప్రయాణికులతో పాటు ఐదుగురు పిల్లలను స్వదేశానికి తీసుకొచ్చారు అధికారులు. వారందరినీ క్వారంటైన్​కు తరలించనున్నట్లు తెలిపారు.

కరోనాతో విదేశాల్లో చిక్కుకున్న భారతీయులను స్వదేశానికి తీసుకొచ్చేందుకు వందేభారత్​ మిషన్​ పేరుతో ప్రభుత్వం అతిపెద్ద ప్రాజెక్టు చేపట్టింది. నేటి నుంచి ఈ ప్రక్రియను ప్రారంభించింది. ఈ ప్రాజెక్టులో భాగంగా అబుదాబి నుంచి బయలుదేరిన తొలి విమానం కేరళలోని కొచ్చి విమానాశ్రయానికి చేరుకుంది.

ఎయిర్​ ఇండియా ఎక్స్​ప్రెస్​ విమానంలో అబుదాబి నుంచి మొత్తం 177 మంది ప్రయాణికులు సహా ఐదుగురు చిన్నారులను స్వదేశానికి తీసుకొచ్చారు అధికారులు.

స్వదేశానికి చేరుకున్న వారందరినీ క్వారంటైన్​కు తరలించనున్నట్లు తెలిపారు అధికారులు. వారి వారి జిల్లాల్లో ఏర్పాటు చేసిన శిబిరాలకు తరలిస్తామని తెలిపారు.

ఇదీ చూడండి: ఎయిర్​లిఫ్ట్​: 7 రోజులు.. 64 విమానాలు.. 14,800 మంది!