ప్రచండ గాలులు, భారీ వర్షాలతో ఒడిశాను ముంచెత్తింది 'ఫొని' తుపాను. గంటకు దాదాపు 240 కిలోమీటర్ల వేగంతో వీచిన భీకర గాలులు, కుండపోత వానలకు వేల ఎకరాల్లోని పంటపొలాలు దెబ్బతిన్నాయి. వేల సంఖ్యలో ప్రజలు నిరాశ్రయులయ్యారు. ఈ తుపాను ప్రభావంతో ఒడిశా తీరప్రాంత జిల్లాల్లోని ప్రజలు దాదాపు ఎనిమిది రోజులుగా కనీస అవసరాలకు దూరమై అష్టకష్టాలు పడుతున్నారు. ఇళ్లు కోల్పోయిన వారికి, పంట నష్టపోయిన రైతులకు ప్రభుత్వం పరిహారం ప్రకటించింది. అయితే, ఇప్పటికీ అర్హులైన బాధితులకు పరిహారం అందించడంలో అధికారులు తీవ్ర జాప్యం ప్రదర్శిస్తున్నారు. తుపాను ధాటికి ఇంకా కోలుకోలేదని... ప్రభుత్వమూ తమను బాధపెట్టడం తగదని బాధితులు ఆవేదన వ్యక్తం చేస్తున్నారు.
అధికారుల తీరుపై రాష్ట్ర వ్యాప్తంగా ప్రజలు తీవ్ర ఆగ్రహం వ్యక్తం చేస్తున్నారు. తాగునీరు, విద్యుత్ సరఫరా వీలైనంత తొందరగా పునరుద్ధరించాలని ప్రభుత్వాన్ని డిమాండ్ చేస్తున్నారు. జార్జ్పుర్ జిల్లాలోని బింజార్పుర్లో ఆగ్రహంతో రెవెన్యూ అధికారిపై దాడి చేశారు ప్రజలు.
పారాదీప్-కటక్ మధ్య రోడ్డు మార్గాలను పూర్తిగా బంద్ చేశారు. పూరీ-భువనేశ్వర్ మధ్య జాతీయ రహదారినీ దిగ్బంధించారు. ఫలితంగా కిలోమీటర్ల మేర వాహనాలు నిలిచిపోయాయి.
ప్రభుత్వం ఏమంటోంది..?