జమ్మూ కతువా జిల్లాలోని భారత్- పాక్ అంతర్జాతీయ సరిహద్దులో ఓ సొరంగ మార్గాన్ని సరిహద్దు భద్రతా దళాలు (బీఎస్ఎఫ్) బుధవారం గుర్తించాయి. హీర్నగర్ సెక్టార్లోని బాబియాన్ గ్రామంలో తనిఖీలు నిర్వహిస్తున్న సమయంలో ఈ సొరంగం బయటపడినట్లు అధికార వర్గాలు వెల్లడించాయి.
పాకిస్థాన్ నుంచి అక్రమంగా ఉగ్రవాదులు చొరబడేందుకు ఆ సొరంగ మార్గం ఏర్పాటు చేసినట్లు అధికారులు భావిస్తున్నారు.
కతువా జిల్లాలో బయటపడ్డ సొరంగం గత ఆరునెలల్లో..
గత ఆరు నెలల్లో సాంబా, కతువా జిల్లాల్లో అధికారులు కనుగొన్న మూడో సొరంగం ఇది.
"సుమారు 150 మీటర్లు పొడవున్న సొరంగాన్ని గుర్తించాం. పాకిస్థాన్లోని షకెర్గర్హ్ గ్రామానికి ఈ సొరంగం అనుసంధానమై ఉంది."
-ఎన్ఎస్ జమ్వాల్, బీఎస్ఎఫ్ ఐజీ
పాక్ హస్తం..
ఈ సొరంగం నిర్మాణంలో పాక్ హస్తం ఉన్నట్లు ఆధారాలు ఉన్నాయని జమ్వాల్ అన్నారు. పాకిస్థాన్ గుర్తులతో ఉన్న ఇసుక బస్తాలు తమకు లభించాయన్నారు. ఇటువంటివే ఇదివరకు గుర్తించిన సొరంగాల వద్ద కూడా స్వాధీనం చేసుకున్నామని స్పష్టం చేశారు. అయితే ఎటువంటి చొరబాట్లు జరగలేదన్నారు.
ఇదీ చూడండి: పాక్ భూభాగంలోకి 200మీ. చొచ్చుకెళ్లిన బీఎస్ఎఫ్
