జమ్ముకశ్మీర్కు స్వయంప్రతిప్తతి కల్పించే ఆర్టికల్ 370 రద్దు అంశాన్ని ప్రజల్లోకి తీసుకెళ్లాలని నిర్ణయించింది భాజపా. ఇంతకు ముందు 370 సభలను పెట్టేందుకు నిర్ణయించిన కేంద్రం.. వాటికి వస్తోన్న స్పందనను గమనించి 700కు పెంచేందుకు నిర్ణయించింది.
గుజరాత్, కర్ణాటక వంటి రాష్ట్రాల్లో నియోజకవర్గ స్థాయిలో ఓ బహిరంగ సభను నిర్వహించాలని యోచిస్తోంది.
"ప్రజలు ఈ నిర్ణయంపై ఎంతో సంతోషంగా ఉన్నారు. సభలకు జనం ఉత్సాహంగా వస్తున్నారు. ప్రతి రాష్ట్రంలోనూ ర్యాలీల సంఖ్య పెంచేందుకు నిర్ణయం తీసుకున్నాం. 700 సమావేశాలను నిర్వహించాలనుకుంటున్నాం."
- సత్యకుమార్, భాజపా జాతీయ కార్యదర్శి
బిహార్, మహారాష్ట్ర, ఒడిశాల్లో ఈ సమావేశాల సంఖ్య పెంచుతూ నిర్ణయం తీసుకుంది భాజపా. ప్రతి కార్యక్రమంలోనూ ఒక కేంద్రమంత్రి, భాజపా సీనియర్ నేత పాల్గొంటారు.
చిన్న ప్రాంతాలైన పుదుచ్చేరిలో నాలుగు, అండమాన్ నికోబార్ ద్వీపాల్లో 15 సమావేశాలు జరగనున్నాయి. ఈ ప్రచారాన్ని రెండు భాగాలుగా చేసింది భాజపా. సంపర్క్, జన్ సంపర్క్గా పేర్కొంది.
ఈ సమావేశాలను అమిత్ షా ముందుండి నడిపిస్తున్నారు. 370 ఆర్టికల్ రద్దును గొప్ప విజయంగా అభివర్ణంచారు షా. ఈ ఆర్టికల్ రద్దుతో కశ్మీర్లో పూర్తి స్థాయి భారత రాజ్యాంగం వర్తిస్తుందని తెలిపారు.
ఇదీ చూడండి: భాజపా లక్ష్యంగా మరోసారి మమతా విమర్శలు
