Janasena Protest for Road in Ramaraju Lanka: 'మా రోడ్డు బాగాలేదు.. బటన్​ నొక్కండి సీఎం గారు'

Janasena Protest On Cm In Ramaraju Lanka: అంబేద్కర్ కోనసీమ జిల్లా మలికిపురం మండలం రామరాజులంకలోని ప్రధాన రహదారిని వెంటనే నిర్మించాలంటూ.. స్థానిక జనసేన నాయకులు రోడ్డుపై  బైఠాయించి నిరసన వ్యక్తం చేశారు. 'రహదారి నిర్మాణ పనులకు వెంటనే బటన్ నొక్కండి సీఎం జగన్​ గారు' అంటూ జనసైనికులు నినాదాలు చేశారు. రామరాజులంకలోని ప్రధాన రహదారి మార్గం గుంతలు ఏర్పడి..  చాలా అధ్వానంగా మారిందని జనసేన నాయకులు అన్నారు. గత నాలుగేళ్లుగా నుంచి ఈ రహదారి ఇలాగే గుంతలతో నిండి ఉందని వారు పేర్కొన్నారు. రోడ్డు సరిగ్గా లేకపోవడం వల్ల ఈ మార్గంలో తరచూ ప్రమాదాలు జరుగుతున్నాయని.. ఈ విషయాన్ని స్థానిక ప్రజాప్రతినిధుల దృష్టికి తీసుకువెళ్లినా.. సమస్యను పట్టించుకోవటం లేదని జనసైనికులు మండిపడ్డారు. ఈ మధ్య కురిసిన వర్షాల కారణంగా ఈ రహదారి పరిస్థితి మరింత దారుణంగా తయారైందని వారు తెలిపారు. ఇప్పటికైనా దీనిపై అధికార యంత్రాంగం స్పందించి.. రహదారికి మరమ్మతులు చేయాలని జనసైనికులు డిమాండ్ చేశారు.