ఆగమేఘాల మీద రోడ్డు నిర్మాణం - అడ్డుకున్న స్థానికులు - road issue guntur
By ETV Bharat Andhra Pradesh Team
Published : Jan 6, 2024, 1:34 PM IST
Encroachment of Road Space in Guntur District : అధికార పార్టీ అండ చూసుకొని తమను ప్రశ్నించేవారు, అడ్డుకునేవారు లేరని వైఎస్సార్సీపీ శ్రేణులు ఇష్టరాజ్యంగా ప్రవర్తిస్తున్నారు. వారి ఆగడాలు రోజు రోజూకు మితిమీరిపోతున్నాయి. ఖాళీ స్థలం కనిపిస్తే చాలు కబ్జా చేయడం, క్వారీల్లో గ్రావెల్ను ఇష్టం వచ్చినట్లు తరలించడం ఇవన్నీ అధికార పార్టీ అక్రమాలకు ఉదాహరణలు. తాజాగా గుంటూరు జిల్లా నంబూరులో సీసీ రోడ్డు ఆక్రమణకు గురైందని రోడ్డు వెడల్పు చేయాలని స్థానికులు పంచాయతీ సిబ్బందికి వినతిపత్రం ఇచ్చారు.
Locals Blocking Road Construction :ఆక్రమణకు గురైన రోడ్డు పనులను జిల్లా వక్ఫ్ బోర్డు డైరెక్టర్గా ఉన్న సయ్యద్ సుభాని ఆగమేఘాల మీద ప్రారంభించారు. స్థానిక కాలనీవాసులు అడ్డుచెప్పగా బౌన్సర్ల సాయంతో వాళ్లని అడ్డుకుంటున్నారు. ఆక్రమణ స్థలాన్ని స్వాధీనం చేసుకొని రోడ్డును వెడల్పుగా వేయాలని విజ్ఞప్తి చేసిన పట్టించుకోలేదు. చివరికి రోడ్డు వేయొద్దు అంటూ స్థానికులు రహదారిపై బైఠాయించడం వల్ల రోడ్డు పనులను నిలిపివేసి అక్కడి నుంచి వెళ్లిపోయారు.