దేవునికడపలో పసుపు గ్రేడింగ్ యూనిట్లో అగ్ని ప్రమాదం

కడప జిల్లా దేవునికడప మార్కెట్ యార్డ్​ సమీపంలోని ప్రైవేట్ పసుపు గ్రేడింగ్ యూనిట్​లో భారీ అగ్ని ప్రమాదం జరిగింది. ఈ ప్రమాదంలో సుమారు 20 లక్షల ఆస్తి నష్టం వాటిల్లింది.

కడప జిల్లా దేవునికడపలో జరిగిన అగ్నిప్రమాదానికి పసుపు దగ్దమైంది. మార్కెట్ యార్డ్​ సమీపంలోని ప్రైవేట్ పసుపు గ్రేడింగ్ యూనిట్​లో ఈ ప్రమాదం జరిగింది. గ్రేడింగ్ చేసిన పసుపు బస్తాలు అగ్నికి ఆహుతయ్యాయి. దాదాపు 350 క్వింటాళ్ల పసుపు బస్తాలు కాలిపోయాయి.2 అగ్నిమాపక వాహనాలతో మంటలు అదుపు చేశారు.దుర్ఘటనలో సుమారు 20 లక్షల ఆస్తి నష్టం వాటిల్లి ఉంటుందని అంచనా వేస్తున్నారు. విద్యుదాఘాతం వలనే ప్రమాదం జరిగినట్లు అగ్నిమాపక శాఖ సిబ్బంది పేర్కొన్నారు.

ఇదీ చదవండి

విపక్ష కూటమి బలోపేతానికి చంద్రబాబు ప్రచార సాయం