కరోనాపై.. అనుక్షణం పోలీసులు అప్రమత్తం

వేంపల్లిలో 2 కరోనా పాజిటివ్​ కేసులు నమోదైన నేపథ్యంలో ప్రజలెవ్వరూ బయటకు రావద్దని పులివెందుల డీఎస్పీ వాసుదేవన్​ అన్నారు. పట్టణంలో 3 కిలో మీటర్ల వరకు రెడ్​ అలర్ట్​ ప్రకటించినట్లు తెలిపారు. రహదారులు, షాపులన్నీ మూసివేశామన్నారు.

కడప జిల్లాలో బుధవారం 15 పాజిటివ్ కేసులు నమోదయ్యాయి. పులివెందుల సబ్​ డివిజన్​ అయిన వేంపల్లిలో 2 పాజిటివ్​ కేసులు నమోదైనందున కోర్​ ఏరియాగా ప్రకటించామని పులివెందుల డీఎస్పీ వాసుదేవన్​ తెలిపారు. దీని పరిధి 3 కిలోమీటర్ల వరకు ఉంటుందన్నారు. ప్రజలు అప్రమత్తంగా ఉండాలని కోరారు. కరోనా వ్యాప్తిని నిరోధించేందుకు పోలీసులకు సహకరించాలని కోరారు. పట్టణంలోని రహదారులు, షాపులను మూసివేశారు. వేంపల్లి మండలాన్ని పోలీసులు ఆధీనంలోకి తీసుకున్నామని పేర్కొన్నారు.

బద్వేల్​..

కరోనా పాజిటివ్ వచ్చిన నేపథ్యంలో కడప జిల్లాలో అధికార యంత్రాంగం మరింత అప్రమత్తమైంది. బద్వేల్​ పట్టణంలో కరోనా వైరస్ నియంత్రణకు అధికారులు పకడ్బందీ చర్యలు చేపట్టారు. హైపో క్లోరైడ్ ద్రావణాన్ని పట్టణంలో ప్రత్యేక వాహనం ద్వారా పిచికారీ చేశారు. బద్వేల్​ను రెడ్ జోన్​గా ప్రకటించి ప్రజలను అప్రమత్తం చేశారు.

ఇదీ చదవండి: