కడప జిల్లాలో భారీ వర్షం... వెలిగల్లు ప్రాజెక్టు గేట్లు ఎత్తివేత

కడప జిల్లాలో ఉదయం పలు ప్రాంతాల్లో భారీ వర్షం కురిసింది. భారీ వర్షాలుకు నదులు, వాగులు ఉప్పొంగి ప్రవహిస్తున్నాయి. రాయచోటి పట్టణంలోని పలు ప్రాంతాల్లో వర్షపు నీరు ఇళ్లలోకి చేరింది. భారీ వర్షానికి పంటలు దెబ్బతిన్నాయని రైతులు వాపోయారు. భారీ వర్షాలకు అధికారులు.. వెలిగల్లు ప్రాజెక్టు గేట్లును ఎత్తి దిగువకు నీటిని విడుదల చేశారు.

కడప జిల్లాలో మంగళవారం తెల్లవారుజామున భారీ వర్షం కురిసింది జిల్లాలోని రాయచోటి పులివెందుల రాజంపేట కడప ప్రొద్దుటూరు ప్రాంతాల్లో భారీ వర్షం కురవడంతో పంటపొలాల్లోకి వరద నీరు చేరింది. జిల్లాలోని నదులు, వాగులు పొంగి ప్రవహిస్తున్నాయి. భారీ వర్షాలకు చక్రాయపేట మండలంలో పాపాగ్ని నది, రాయచోటి పట్టణంలోని ఎగువన మాండవి నదిలో వరద ప్రవాహం పెరిగింది. మాండవి నదిపై ఉన్న కంచాలమ్మ గండి చెరువులోకి వర్షపు నీరు చేరడంతో చెరువు కట్ట ను పురపాలక కమిషనర్ రాంబాబు పరిశీలించారు. రాయచోటి పట్టణంలోని పలు ప్రాంతాల్లో వర్షపు నీరు ఇళ్లలోకి చేరింది. భారీ వర్షాలతో పంటలు దెబ్బతిన్నాయని రైతులు వాపోయారు.

వెలిగల్లు ప్రాజెక్టు గేట్లు ఎత్తివేత

కడప, చిత్తూరు జిల్లాలోని పడమర మండలంలో కురిసిన భారీ వర్షాలకు కడప జిల్లాలోని వెలిగల్లు ప్రాజెక్టుకు భారీగా వరద నీరు వచ్చి చేరుతోంది. ప్రాజెక్టు నీటి నిల్వ సామర్థ్యం పూర్తి స్థాయికి చేరుకోవడంతో నీటిపారుదల శాఖ అధికారులు మంగళవారం ఉదయం ప్రాజెక్టు నుంచి మూడు గేట్లు ఎత్తి మూడు వేల క్యూసెక్కుల నీటిని దిగువన ఉన్న పాపాగ్ని నదికి విడుదల చేశారు. గేట్లు ఎత్తివేయడంతో దిగువన ఉన్న గాలివీడు చక్రాయపేట మండలాల్లోని పాపాగ్ని నది పరివాహక ప్రాంత ప్రజలను అధికారులు అప్రమత్తం చేశారు.

ఇదీ చదవండి