బాలింతకు కరోనా పాజిటివ్.. అప్రమత్తమైన యంత్రాంగం

కడప జిల్లా జమ్మలమడుగు మండలం సిరిగేపల్లె గ్రామానికి చెందిన బాలింతకు కరోనా పాజిటివ్​గా నిర్ధరణ అయింది. అప్రమత్తమైన అధికారులు ఆమెను కడప ఆసుపత్రిలో చేర్పించారు. కుటుంబ సభ్యులను క్వారంటైన్ కేంద్రానికి తరలించారు.

కడప జిల్లా జమ్మలమడుగు మండలం సిరిగేపల్లె గ్రామానికి చెందిన బాలింతకు కరోనా పాజిటివ్​గా నిర్ధరణ అయింది. గత నెల 25న జమ్మలమడుగు ప్రభుత్వాసుపత్రిలో ఆమె కాన్పు కోసం చేరారు. 26న వైద్యులు ప్రసవం చేసి... 28న డిశ్చార్జ్ చేశారు. ఈనెల 10న సిరిగేపల్లె గ్రామంలో కరోనా వైద్య పరీక్షలు నిర్వహించగా ఆమెకు పాజిటివ్​గా తేలింది.

అప్రమత్తమైన అధికారులు... జమ్మలమడుగు ప్రభుత్వ ఆసుపత్రితో పాటు గ్రామంలో కరోనా వ్యాప్తి నిరోధక చర్యలు చేపట్టారు. ఆస్పత్రిలో బ్లీచింగ్ పౌడర్, సోడియం హైపోక్లోరైడ్​ ద్రావణం పిచికారీ చేయించారు. బాలింతను కడప తరలించగా.. కుటుంబ సభ్యులు పదిమందిని జమ్మలమడుగు పాలిటెక్నిక్ కళాశాలలో ఉన్న క్వారంటైన్​ కేంద్రానికి తరలించారు.