'అమరావతి ఉద్యమం చేస్తున్న వారంతా రియల్ ఎస్టేట్ వ్యాపారులే'

అమరావతి ఉద్యమంపై ఉప ముఖ్యమంత్రి అంజద్ బాషా సంచలన వ్యాఖ్యలు చేశారు. అమరావతిలో ఆందోళనలు చేస్తున్నవారు అసలు రైతులే కాదని విమర్శించారు. అలాగే రాజధాని అంశంపై తెదేపా తీరును ఆయన తప్పుపట్టారు.

అమరావతిలో ఉద్యమాలు చేస్తున్న వారందరూ రైతులు కాదని... రియల్ ఎస్టేట్ వ్యాపారులు అని అన్నారు ఉపముఖ్యమంత్రి అంజద్ బాషా. ఉద్యమం వెనక మాజీ ముఖ్యమంత్రి చంద్రబాబునాయుడు హస్తం ఉందని అన్నారు. కడపలో మీడియాతో మాట్లాడిన ఆయన ఈ వ్యాఖ్యలు చేశారు.

అమరావతి రైతుల ఆందోళన 250 రోజుకు చేరిందంటూ రాష్ట్ర వ్యాప్తంగా తేదేపా నిరసన కార్యక్రమాలు చేపట్టడం సమంజసంగా లేదని అంజద్ బాషా అన్నారు. నిజమైన రైతులు ఉద్యమాలు చేస్తుంటే పరిస్థితి ఈ విధంగా ఉండదని ఆయన ఎద్దేవా చేశారు. దేశంలో ఏ ముఖ్యమంత్రి చేయని విధంగా 15 నెలల్లోనే సీఎం జగన్ పలు సంక్షేమ పథకాలు ప్రవేశపెట్టారని చెప్పారు.

ఇదీ చూడండి