పశ్చిమగోదావరి జిల్లా భీమవరం మండలం దిరుసుమర్రులో ఎస్బీఐలో (SBI BANK ROBBERY) దోపిడీకి ఇద్దరు యువకులు ప్రయత్నించారు. బ్యాంకు తాళాలు పగలుగొట్టి లోపలికి వెళ్లిన వారు.. భద్రత కోసం ఏర్పాటు చేసిన సీసీ కెమెరాలను ధ్వంసం చేశారు. అర్దరాత్రి సమయంలో బ్యాంకు లోపలి నుండి శబ్దాలు రావడంతో గ్రామస్థులు అప్రమత్తమయ్యారు.
బ్యాంకు లూటీ కోసం వచ్చిన ఆ యువకులను చాకచక్యంగా పట్టుకున్నారు. స్థానికులు వెంటనే బ్యాంకు అధికారులు, పోలీసులకు సమాచారం అందించారు. బ్యాంకు దోపిడీకి వచ్చిన ఇద్దరు యువకులు.. యనమదర్ర గ్రామానికి చెందిన తిరుమల రాజేశ్, భీమవరానికి చెందిన సాగిరాజు సాయికుమార్ వర్మలుగా పోలీసులు గుర్తించారు. క్రికెట్ బెట్టింగ్లో నష్టపోయి.. బ్యాంకు దోపిడీకి ప్రయత్నించినట్టు పోలీసుల విచారణలో తేలింది. ఈ ఘటనపై కేసు నమోదు చేసిన పోలీసులు వారిద్దరినీ అరెస్ట్ చేశారు. ఘటనపై కేసు నమోదు చేసి దర్యాప్తు చేపట్టారు.