అమరావతి రైతులకు మద్దతుగా అమరావతిలో పశ్చిమ గోదావరి జిల్లా ఉంగుటూరు మండలం గొల్లగూడెం రైతులు దీక్ష చేపట్టారు. అమరావతి ముద్దు మూడు రాజధానులు వద్దు అంటూ నినాదాలు చేశారు. ఈ కార్యక్రమానికి తెదేపా జిల్లా అధ్యక్షురాలు తోట సీతారామలక్ష్మి, మాజీ ఎమ్మెల్యే గన్ని వీరాంజనేయులు హాజరయ్యారు. సీతారామలక్ష్మి మాట్లాడుతూ.. ఎన్నికల్లో గెలిస్తే మూడు రాజధానులు ఏర్పాటు చేస్తామని ముఖ్యమంత్రి జగన్ ముందుగానే ప్రజలకు ఎందుకు చెప్పలేదని ప్రశ్నించారు. చంద్రబాబు నాయుడుపై కక్షతోనే రాజధాని మారుస్తున్నారని ఆరోపించారు. ముఖ్యమంత్రి అనాలోచిత నిర్ణయం తీసుకోవడం మంచిది కాదని గన్ని వీరాంజనేయులు హితవు పలికారు. అనంతరం గన్ని వీరాంజనేయులుతో పాటు పలువురు నాయకులు, రైతులు చెరువులో దిగి నిరసన తెలిపారు.
అమరావతి రైతులకు మద్దతుగా గొల్లగూడెం రైతుల దీక్ష