శ్రీకాకుళం జిల్లా పాతపట్నం ప్రాంతంలో నమోదైన కేసులు ఇప్పటివరకు అనుసరిస్తున్న విధానాన్ని పునఃసమీక్షించుకోవాలనే సంకేతాలిస్తోంది. దిల్లీ నుంచి వచ్చిన యువకునికి కరోనా నెగిటివ్‌ ఫలితం వచ్చినా.. అతనితో కలిసి ఒకే ఇంట్లో గడిపిన ముగ్గురికి పాజిటివ్‌ రావడం ఆందోళనకు దారి తీస్తోంది.
బయట ప్రాంతాల నుంచి విజయనగరానికి వచ్చిన వలస జీవులకు పరీక్షలు నిర్వహించి, నెగెటివ్‌గా ఫలితం వచ్చిన తర్వాత వారికి ఇళ్లకు పంపిస్తున్నారు. గృహ నిర్బంధంలో ఉండాలని చెబుతున్నారు. ఇప్పుడు అలా చెప్పేందుకు వీలులేని పరిస్థితులు నెలకొన్నాయి. వలస జీవులు ఎవరైనా జిల్లాలో ప్రవేశిస్తే వారిని క్వారంటైన్‌కే పరిమితం చేయాలనే సూచనను పక్క జిల్లా అనుభవం చెబుతోంది.
ఏం చేయాలి...
● విజయనగరం జిల్లాలో విజయనగరం, బొబ్బిలి, పార్వతీపురం, గుమ్మలక్ష్మీపురం, సాలూరు కేంద్రాల్లో క్వారంటైన్లు ఏర్పాటు చేశారు. వీటిని పూర్తిస్థాయిలో వినియోగించుకొనే దిశగా చర్యలు ప్రారంభం కావాలి.
● సరిహద్దు కేంద్రాల వద్ద ఇతర జిల్లాల నుంచి రాకపోకలపై అనుసరిస్తున్న విధానాన్ని పునఃసమీక్షించుకోవాలి. రాకపోకలను నిలిపివేయాలి.
● తనిఖీ కేంద్రాల వద్దే ఆరోగ్య పరీక్షలు నిర్వహించే ప్రక్రియను శనివారం నుంచి ప్రారంభించారు. విజయనగరం వై కూడలి వద్ద ఈ ఏర్పాట్లు చేశారు. అన్ని సరిహద్దుల్లో ఇవి జరగాలి.
● సరిహద్దుల్లోని తనిఖీ కేంద్రాల్లో ఫలితంతో సంబంధం లేకుండా వచ్చిన వారిని గృహనిర్బంధంలో కాక ప్రభుత్వ క్వారంటైన్‌ కేంద్రాలకు తరలించేలా ఏర్పాట్లు చేయాలని.. 14 రోజుల తర్వాత వారిపై నిఘా ఉంచాలని పలువురు సూచిస్తున్నారు.
● లాక్‌డౌన్‌ తర్వాత జిల్లాకు దాదాపు 40 వేల మంది వలస కూలీలు వచ్చే వీలుందని అంచనా వేస్తున్నారు. వీరికి తనిఖీ కేంద్రాల వద్దే పరీక్షలు జరిపి క్వారంటైన్‌కు పంపడం సురక్షితమని కొందరి అధికారుల భావన.
ఏం జరుగుతోంది..