ఏలేరు కాలువలో యువకుడి మృతదేహం

విశాఖ జిల్లా మాకవరపాలెం సమీపంలోని ఏలేరు కాలువలో ఓ యువకుడి మృతదేహాన్ని మాకవరపాలెం పోలీసులు గుర్తించారు. అనుమానస్పద మృతిగా చేసు నమోదు చేసి దర్యాప్తు చేస్తున్నారు.

విశాఖ జిల్లా మాకవరపాలెం మండలం తోటిపాల గ్రామంలో విషాదం నెలకొంది. శుక్రవారం నుంచి బయటకు వెళ్లిన గవిరెడ్డి వెంకటరమణ అనే యువకుడు అదే రోజు రాత్రి మాకవరపాలెం సమీపంలోని ఏలేరు కాలువలో శవమై తేలాడు.

ఘటనా స్థలానికి చేరుకున్న మాకవరపాలెం పోలీసులు.. మృతదేహాన్ని వెలికి తీసి పోస్టుమార్టం నిమిత్తం సమీప ఆస్పత్రికి తరలించారు. అనుమానస్పద మృతిగా కేసు నమోదు చేశారు. ఈ ఘటన ప్రమాదవశాత్తు జరిగిందా ? లేదా హత్యా, ఆత్మహత్యకు పాల్పడిన సంఘటనా? అనే కోణంలో దర్యాప్తు చేపట్టారు.