కొక్కిరాపల్లి రహదారిపై రోడ్డు ప్రమాదం..విద్యార్థి మృతి

విశాఖ జిల్లా కొక్కిరాపల్లి కూడలి సమీపంలో ప్రమాదం జరిగింది. ఘటనాస్థలంలో గాయపడిన విద్యార్థి చికిత్స పొందుతూ మృతి చెందాడు.

విశాఖ జిల్లా కొక్కిరాపల్లి జాతీయ రహదారిపై ప్రమాదం జరిగింది. సైకిల్​పై వెళ్తున్న ముగ్గురు విద్యార్థులను కారు ఢీ కొట్టింది. తీవ్రగాయాలైన విద్యార్థులను చికిత్స నిమిత్తం ప్రభుత్వాసుపత్రికి తరలించారు. అనంతరం మెరుగైన వైద్యం నిమిత్తం విశాఖపట్నం తీసుకెళ్లారు. చికిత్స పొందుతూ ఓం సాయి అనే విద్యార్థి మృతి చెందగా... మరో ఇద్దరి పరిస్థితి విషమంగా ఉందని వైద్యులు తెలిపారు. కారు డ్రైవర్​ను పోలీసులు అదుపులోకి తీసుకున్నారు. అతి వేగంతో కారు నడపడం వల్లే ప్రమాదం జరిగిందని పోలీసులు వివరించారు.

ఇదీ చూడండి: రోడ్డు ప్రమాదంలో ముగ్గురు విద్యార్థులకు తీవ్ర గాయాలు