తూర్పు కోస్తా రైల్వే వాల్తేర్‌ డివిజన్‌లో ఆదివారం పలు రైళ్ల రాకపోకలకు తీవ్ర అంతరాయం ఏర్పడింది. విశాఖ-విజయవాడ రైలుమార్గంలో దువ్వాడ వద్ద తెల్లవారుజామున 3 గంటలకు హెచ్‌టీ విద్యుత్‌ తీగలు తెగిపడ్డాయి. దీంతో పలు రైళ్లు గంటల తరబడి పలుచోట్ల నిలిచిపోయాయి.
తెగిపడిన రైల్వే హెచ్‌టీ విద్యుత్తు తీగలు.. రైళ్ల రాకపోకలకు అంతరాయం
విశాఖ-విజయవాడ రైలుమార్గంలో దువ్వాడ వద్ద.. ఆదివారం తెల్లవారుజామున 3 గంటలకు హెచ్‌టీ విద్యుత్‌ తీగలు తెగిపడ్డాయి. దీంతో తూర్పు కోస్తా రైల్వే వాల్తేర్‌ డివిజన్‌లో.. పలు రైళ్లు గంటల తరబడి పలుచోట్ల నిలిచిపోయాయి.
తెగిపడిన రైల్వే హెచ్‌టీ విద్యుత్తు తీగలు
ఆదివారం తెల్లవారుజామున 3.30కు విశాఖకు చేరుకున్న బిలాస్‌పూర్‌-తిరుపతి, 3.50కి వచ్చిన షాలిమార్‌-హైదరాబాద్‌ ఈస్ట్‌కోస్ట్‌ రైళ్లు ఉదయం 8 గంటల వరకు స్టేషన్‌లోనే ఉండిపోయాయి. ఉదయం 6.20కి బయల్దేరాల్సిన విశాఖ-లింగంపల్లి జన్మభూమి ఎక్స్‌ప్రెస్‌ 8.30 తర్వాత పయనమైంది. విద్యుత్తు తీగలు పునరుద్ధరించి, నిలిచిపోయిన రైళ్లను ఉదయం 7.30 నుంచి ఒక్కొక్కటిగా పంపించారు. విశాఖ మీదుగా రాకపోకలు సాగించే పలు రైళ్లు దాదాపు గంటకు పైగా ఆలస్యంగా నడిచాయి.
ఇవీ చూడండి:
TAGGED:
ap latest news