విశాఖలోని గ్రీన్ జోన్లలో మద్యం దుకాణాలు పోలీసుల సమక్షంలో తెరుచుకున్నాయి. కొనుగోలు చేసేందుకు మందు బాబులంతా ఉదయం 10 గంటల నుంచే బారులు తీరారు. భౌతిక దూరం పాటించాలని పోలీసులు విజ్ఞప్తి చేశారు.
మద్దిలపాలెం వద్ద గుంపులు గుంపులుగా గుమిగూడిన వారిని పోలీసులు చెదరగొట్టారు. దాదాపు 40 రోజులు పైగా మద్యం లభించక ఇబ్బందులు పడ్డ వారంతా.. ఇన్నాళ్లకు ఊరట పొందినట్టు చెప్పారు.