విశాఖ జిల్లా చోడవరంలో దారుణం చోటు చేసుకుంది. నడిరోడ్డుపై ఓ యువకుడిని దుండగుడు అత్యంత కిరాతకంగా హత్య చేశాడు. పట్టణంలోని బీఎన్‌ రోడ్డు ప్రాంతంలోని ఓ మద్యం దుకాణం వద్ద ఈ ఘటన చోటు చేసుకుంది. హత్యకు గురైన యువకుడిని చోడవరం ఎడ్లవీధికి చెందిన కోన రాజేశ్‌గా పోలీసులు గుర్తించారు.
హెల్మెట్ ధరించి ద్విచక్రవాహనంపై వచ్చిన గుర్తు తెలియని వ్యక్తి.. తన వెంట తెచ్చుకున్న కత్తితో రాజేశ్‌ని దారుణంగా హతమార్చిన విషయం సీసీ ఫూటేజ్లో స్పష్టంగా కనిపిస్తోంది. తొలుత కత్తితో నరకిన అనంతరం.. రాజేశ్‌ కిందపడిపోయాడు. ఆ తర్వాత కొద్దిదూరం వెళ్లిన దుండగుడు మళ్లీ వెనక్కి వచ్చి రక్తపుమడుగులో ఉన్న రాజేశ్‌పై మరోసారి తన కర్కశత్వాన్ని ప్రదర్శించాడు. చనిపోయాడో లేదో అన్న అనుమానంతో మరోసారి కత్తితో వేటు వేసి అక్కడినుంచి పరారయ్యాడు. హంతకుడి కోసం పోలీసులు గాలిస్తున్నారు.
ఇదీ చదవండి:విషాదం.. ఇద్దరు పిల్లలు సహా తల్లి బలవన్మరణం