విశాఖ జిల్లా సింహాచలం సింహాద్రి అప్పన్న సన్నిధి భక్తులతో రద్దీగా మారింది. స్వామి దర్శనానికి భక్తులు పోటెత్తారు. దర్శనం టికెట్ల కోసం స్వామివారి సీఆర్ఓ ఆఫీస్ వద్ద భారీగా భక్తుల క్యూ లైన్లు దర్శనమిచ్చాయి. కరోనా ప్రభావంతో భౌతికదూరం పాటించారు.
వచ్చిన భక్తులకు వీలైనంతగా టికెట్లు జారీ చేస్తున్నారు దేవాదాయశాఖ అధికారులు. శని, ఆదివారాల్లో భక్తుల రద్దీ పెరుగుతోంది. ప్రత్యేక కౌంటర్లు ఏర్పాటు చేస్తున్నారు. దర్శనానికి వెళ్లే భక్తులు ఆధార్ కార్డు చూపి టికెట్ పొందాలని అధికారులు కోరారు.