అనకాపల్లిలో వినాయకుడి మందిరం తొలగింపు
విశాఖ జిల్లా అనకాపల్లిలోని రింగ్ రోడ్డులో వినాయక ఆలయాన్ని విగ్రహాన్ని రాత్రికి రాత్రి తొలగించారు. ఒక బిల్డర్ మందిరాన్ని, విగ్రహాన్ని తొలగించాడని ..భాజపా, జనసేన నేతలు ఆందోళన చేపట్టారు. ఈ సంఘటనకు సంబంధించి బాధ్యులపై వెంటనే చర్యలు తీసుకోవాలని డిమాండ్ చేశారు.
ఎమ్మెల్యే గుడివాడ అమర్నాథ్ , తెదేపా ఎమ్మెల్సీ బుద్ధ నాగ జగదీశ్వర రావు, భాజపా ఎమ్మెల్సీ మాధవ్, జనసేన పార్టీ రాష్ట్రఅధికార ప్రతినిధి పరుచూరి భాస్కర రావు సంఘటన స్థలాన్ని పరిశీలించారు. సంఘటనకు పాల్పడిన వారిని గుర్తించి కఠిన చర్యలు తీసుకోవాలని అధికారులకు ఎమ్మెల్యే సూచించారు.