విశాఖ స్టీల్ ప్లాంట్(visakha steel plant privatization news) విషయంలో కేంద్రంపై వైకాపా చిత్తశుద్ధితో పోరాటం చేయాలని తెదేపా నేత పల్లా శ్రీనివాసరావు డిమాండ్ చేశారు(TDP leader Palla Srinivasa Rao fires on ycp govt). ప్రభుత్వ రంగ పరిశ్రమల ప్రైవేటీకరణకు వ్యతిరేకంగా విశాఖలో చేపట్టిన నిరసన దీక్షలో మాట్లాడిన ఆయన.. ప్రైవేటీకరణపై అఖిలపక్ష సమావేశాన్ని ఏర్పాటు చేసి ప్రధాని వద్దకు తీసుకెళ్లాలన్నారు. రిలే నిరాహార దీక్షా శిబిరాల వద్దకు వచ్చి వైకాపా నేతలు మొసలి కన్నీరు కార్చడం మానుకోవాలని హితవు పలికారు.
గతంలో స్టీల్ ప్లాంట్ బీఐఎఫ్ఆర్కు వెళ్లిన సమయంలో.. అప్పటి సీఎం చంద్రబాబు(chandrababu news) ప్రధానమంత్రి వాజ్పేయ్ సర్కార్పై ఒత్తిడి చేసి 1350కోట్లను రుణమాఫీ చేయించారని గుర్తు చేశారు. నాడు స్టీల్ ప్లాంట్ను కాపాడిన ఘనత చంద్రబాబుకే దక్కుతుందని చెప్పారు. దసరా తర్వాత తెదేపా ఆధ్వర్యంలో స్టీల్ ప్లాంట్ ప్రైవేటీకరణకు వ్యతిరేకంగా భారీ పోరాటం చేస్తామన్నారు.