ఎలమంచిలి నియోజకవర్గంలో పోలింగ్​కు ఏర్పాట్లు పూర్తి

ఏప్రిల్ 11న ఎన్నికలకు రంగం సిద్ధమవుతోంది. నియోజకవర్గాల్లో పోలింగ్ ఏర్పాట్లకు అధికారులు సన్నాహకాలు చేస్తున్నారు. ఎలమంచిలి నియోజకవర్గంలో ఏర్పాట్లన్నీ పూర్తయ్యాయి. పోలింగ్ సామగ్రిని విశాఖకు తరలించి అక్కడినుంచి సంబంధిత పోలింగ్ కేంద్రాలకు పంపించనున్నారు.

విశాఖ జిల్లా ఎలమంచిలి అసెంబ్లీ నియోజకవర్గంలో ఎన్నికల పోలింగ్​కు ఏర్పాట్లు పూర్తయ్యాయి. 260 పోలింగ్ బూత్​లకు సంబంధిచిన సామగ్రిని సిద్ధం చేశారు. నమూనా బ్యాలెట్​లను... అభ్యర్థులకు సంబంధించిన గుర్తులు, పేర్లతో ఉన్న పోస్టర్లను రెడీగా ఉంచారు. ఎలమంచిలి నుంచి ఈ పోలింగ్ సామగ్రిని ప్రత్యేక వాహనాల్లో విశాఖపట్నం తరలిస్తున్నారు. అక్కడి నుంచి ఆర్టీసీ బస్సుల్లో ఆయా పోలింగ్ కేంద్రాలకు వీటిని పంపిస్తామని ఎన్నికల అధికారులు చెబుతున్నారు.

ఇవీ చూడండి.