అంగన్వాడీ సరుకులు పక్కదారి
అంగన్వాడీ కేంద్రాల(anganwadi centres)లో పంచే పౌష్టికాహారం పక్కదారి పడుతోంది. శ్రీకాకుళం జిల్లా వీరఘట్టం మండలం నదుకూరు గ్రామంలో.. మంగళవారం రాత్రి అక్రమంగా తరలిస్తున్న అంగన్వాడీ కేంద్రాల సరుకులను గ్రామస్థులు అడ్డుకున్నారు. ఓ వ్యాపారి.. గుడ్లు, కందిపప్పు తరలిస్తున్నారని గ్రామస్థులు గుర్తించి నిలదీశారు. అంగన్వాడీ కేంద్రం నుంచి వీటిని తరలిస్తున్నట్లు వ్యాపారి ఒప్పుకున్నాడు. జులై నెలలో పామిడి మండలంలోని బత్తిలి వద్ద అక్రమంగా తరలిస్తున్న పాల ప్యాకెట్లను పోలీసులు పట్టుకున్నారు. ఈ కేసుకు సంబంధించి ఇప్పటికే పలువురు కార్యకర్తలను విధుల నుంచి తొలగించినా.. అక్రమాలు మాత్రం ఆగడం లేదు.