గర్భిణిని తీసుకెళ్తున్న 108 వాహనానికి ప్రమాదం

నెలలు నిండిన గర్భిణిని ఆస్పత్రికి తీసుకెళ్తున్న 108 వాహనం ప్రమాదానికి గురైంది. ఎదురుగా వస్తున్న ఓ వాహనాన్ని ఢీకొని పొలాల్లోకి దూసుకెళ్లింది.

శ్రీకాకుళం జిల్లా బూర్జ మండలం లచ్చయ్యపేట సమీపంలో రోడ్డు ప్రమాదం జరిగింది. 108 వాహనం ఆటోను ఢీకొని పోలాల్లోకి దూసుకెళ్లింది. ఈ ఘటనలో ఆటో డ్రైవర్​తో పాటు అందులోని ప్రయాణికుడికి తీవ్ర గాయాలయ్యాయి. మంజు అనే నిండు గర్భిణిని 108లో ఆసుపత్రికి తీసుకెళ్లే సమయంలో ఈ ప్రమాదం జరిగింది. అటువైపుగా వచ్చిన ఐటీడీఏ పీవో సాయి కాంత్ వర్మ ప్రమాదాన్ని గుర్తించి... గర్భిణిని తన వాహనంలో శ్రీకాకుళం ప్రభుత్వ సర్వజన ఆసుపత్రికి తరలించారు.