అక్రమంగా ఇసుక తరలిస్తున్న లారీ సీజ్

శ్రీకాకుళం జిల్లా టెక్కలి సమీపంలో అక్రమంగా ఇసుక తరలిస్తున్న లారీని పోలీసులు పట్టుకున్నారు. లారీని సీజ్​ చేసి యజమానితోపాటుగా పలుపురిని అదుపులోకి తీసుకున్నారు.​

శ్రీకాకుళం జిల్లా టెక్కలి సమీపంలో అక్రమంగా ఇసుక తరలిస్తున్న లారీని పోలీసులు సీజ్ చేశారు. భామిని మండలం అంగూరు ఇసుక ర్యాంప్ నుంచి టెక్కలిలోని స్టాక్ యార్డ్​కు ప్రభుత్వ ఇసుక లారీ రావాల్సి ఉంది. ఇసుకను స్థానికంగా మరోచోట అన్​​లోడ్ చేయాలని ఏపీఎండీసీ స్టాక్ పాయింట్ సూపర్ వైజర్ చెప్పినట్లు పోలీసులకు సమాచారం అందింది. దీంతో పోలీసులు దాడి చేసి 30 టన్నుల ఇసుక లోడుతో ఉన్న లారీని పట్టుకొని, డ్రైవర్​ను అదుపులోకి తీసుకున్నారు. లారీ డ్రైవర్​తో పాటు లారీ యాజమాని, స్టాక్ పాయింట్ సూపర్ వైజర్, ఇసుక కొనేందుకు ప్రయత్నించిన వ్యక్తి పై కేసులు నమోదు చేసినట్లు ఎస్సై గణేష్ తెలిపారు.