ఆంధ్రా ఒడిశా ప్రాంతంలో పోలీసుల సోదాలు

శ్రీకాకుళంజిల్లా పాతపట్నం నియోజకవర్గంలోని ఆంధ్రా ఒడిశా సరిహద్దు ప్రాంతంలో పోలీసులు తనిఖీలు ముమ్మరం చేశారు. రహదారిపై వెళ్లే ప్రతి వాహనాన్ని ఆపి క్షణ్ణంగా సోదాలు చేస్తున్నారు. అనుమానం ఉన్న వారిని అదుపులోకి తీసుకుంటున్నారు.

శ్రీకాకుళంజిల్లా పాతపట్నం నియోజకవర్గంలోని ఆంధ్రా ఒడిశా సరిహద్దు ప్రాంతంలో పోలీసులు తనిఖీలు నిర్వహించారు. రహదారిపై వెళ్లే చిన్నా పెద్ద వాహనాలన్నింటినీ ఆపి... వివరాలు తెలుసుకుంటున్నారు. వాహనాన్ని అణువణవూ క్షణ్ణంగా సోదాలు చేస్తున్నారు.ఎన్నికలు జరుతున్నందున ముందస్తు జాగ్రత్తగా పోలీసులు ముమ్మర చర్యలు చేపట్టారు.అక్రమంగా డబ్బు తరలింపు లాంటివి జరగకుండా ఎక్కడికక్కడ నిఘా పెట్టారు. చాలా చోట్ల ముందస్తు సమాచారంతోనే సోదాలు జరుగుతున్నాయి.