వరద బాధితులకు చేయూతనివ్వాలి: కూన రవికుమార్

వరద ముంపునకు గురైన పంటపొలాలను ప్రభుత్వ మాజీ విప్ కూన రవికుమార్ పరిశీలించారు. బాధితులకు చేయూతనివ్వాలని డిమాండ్ చేశారు.

శ్రీకాకుళం జిల్లా ఆమదాలవలస మండలం చీమలవలస, కొత్తవలస ప్రాంతాల్లో ప్రభుత్వ మాజీ విప్ కూన రవికుమార్ శనివారం పర్యటించారు. వరద ముంపునకు గురైన పంట పొలాలను పరిశీలించారు. రైతులు పూర్తిగా నష్టపోయారని తక్షణమే ప్రభుత్వం ఆదుకోవాలని వారు కోరారు. అంతేగాక నష్టపోయిన రైతులకు విత్తనాలు, ఎరువులు, క్రిమి సంహారక మందులు ఉచితంగా అందించాలని డిమాండ్ చేశారు. మండలంలోని సుమారు 5 వేల ఎకరాల ముంపునకు గురైతే.. అధికారులు కేవలం 1000 ఎకరాలు అని చెప్పడంపై ఆయన మండిపడ్డారు.

ఇదీ చూడండి...జాగ్వార్​ కొనలేదని బీఎండబ్ల్యూను కాల్వలో పడేశాడు!