శ్రీకాకుళం జిల్లా లావేరులో మండలం జాతీయ రహదారిపై ప్రమాదం జరిగింది. బొంతుపేట కూడలి వద్ద గురువారం ఉదయం ద్విచక్రవాహనాన్ని లారీ ఢీకొట్టింది. ఈ ఘటనలో మురపాక గ్రామానికి చెందిన అడపా బాలకృష్ణ తీవ్రంగా గాయపడ్డాడు. క్షతగాత్రుడిని స్థానికులు ఆసుపత్రికి తరలించారు.
ఇదీ జరిగింది....
యువకుడు రణస్థలం మండలం పైడి బీమావరం వద్ద ఉన్న ఓ కంపెనీలో పని చేస్తున్నాడు. ద్విచక్ర వాహనంపై వెళుతుండగా లారీ వెనుక నుంచి బలంగా ఢీకొనడంతో తీవ్రంగా గాయపడ్డాడు. ఈ ప్రమాదంలో యువకునికి కాళ్ళు, చేతులు విరిగిపోయాయి. లారీ కింద ఉన్న యువకుడిని స్థానికులు బయటకు తీసి 108 వాహనానికి సమాచారం ఇచ్చారు. ఎంతసేపైనా వాహనం రాకపోవడంతో ఆటోలో శ్రీకాకుళం ప్రభుత్వ సర్వజన ఆసుపత్రికి తరలించారు. ఈ ప్రమాదంపై లావేరు పోలీసులు కేసు నమోదు చేశారు.
ఇవీ చదవండి