నిత్యం ప్రజల్లో ఉంటూ వారి సమస్యలు తెలుసుకుంటూ పరిష్కారం కోసం కృషి చేస్తానని ప్రకాశం జిల్లా చీరాల మున్సిపల్ ఛైర్మన్ జంజనం శ్రీనివాసరావు తెలిపారు. వైస్ ఛైర్మన్ బొనిగల జైసన్బాబు, మున్సిపల్ కమిషనర్ పి.యేసయ్యతో కలిసి పట్టణంలో పర్యటించారు.
కాలనీల్లోని డ్రైనేజీ సమస్యలు, పాడయిన రహదారులు, పారిశుద్ధ్యం, పలు రకాల సమస్యలు ప్రజలను కలసి అడిగి తెలుసుకున్నారు. అధికారులతో చర్చించి, సమస్యలను పరిష్కరిస్తామని హామీ ఇచ్చారు. ఈ కార్యక్రమంలో టీపీఓ శ్రీనివాస్, శానిటరీ సిబ్బంది, వార్డుల్లోని ముఖ్య నాయకులు పాల్గొన్నారు.