ఊబిలో పడిన గేదె.. కాపాడిన పోలీసులు

పొరపాటున ఊబిలో గేదె కూరుకుపోయింది. నోరులేని ఆ మూగజీవాన్ని పోలీసులు, స్థానికులు కలిసి సురక్షితంగా బయటకు లాగి ప్రాణాలను కాపాడారు.

ప్రకాశం జిల్లా చినగంజాం మండలం అమిన్ నగర్​లో మేత మేపేందుకు కాపరి గేదెలను పొలానికి తీసుకెళ్లాడు. అందులో ఒక గేదె రొంపేరు కాలువ వద్ద ఉన్న ఊబిలో కూరుకుపోయింది. కాపరి రామయ్య పరుగున వెళ్లి గ్రామస్థులకు విషయం చెప్పి తీసుకొచ్చాడు. వారు ఎంత ప్రయత్నించినా గేదెను బయటకు లాగలేకపోయారు. పోలీసులకు సమాచారమివ్వగా.. వారు ప్రొక్లెయినర్ సాయంతో ఆ ఊబికి సమాంతరంగా గొయ్యి తవ్వి ఆ మూగజీవాన్ని సురక్షితంగా బయటకు తీశారు.

ఇవీ చదవండి..

''డాక్టర్లే.. మా కొడుకును చంపేశారు''