ప్రకాశం జిల్లా కొరిసపాడు మండలం బొడ్డువానిపాలెం సమీపంలో 108 వాహనం అదుపు తప్పి విద్యుత్ స్తంభాన్ని ఢీకొట్టింది. ఈ ఘటనలో అంబులెన్స్ డ్రైవర్తో పాటు అందులో ఉన్న ఇద్దరు వ్యక్తులు తీవ్రంగా గాయపడ్డారు.
ముండ్లమూరు మండలానికి చెందిన 108 వాహనంలో... ఓ ప్రమాదంలో గాయపడిన వ్యక్తిని ముండ్లమూరు నుంచి ఒంగోలు ఆసుపత్రికి తరలిస్తున్నారు. ఈ క్రమంలో బొడ్డువానిపాలెం మండల పరిషత్ ప్రాథమిక పాఠశాల వద్దకు వచ్చేసరికి అదుపుతప్పి విద్యుత్ స్తంభాన్ని ఢీకొట్టింది. అంబులెన్స్ ఢీకొట్టిన ధాటికి.. విద్యుత్ స్తంభం విరిగిపోయి కరెంట్ వైర్లు పక్కనే ఉన్న పాఠశాలపై పడ్డాయి. ఆ సమయంలో విద్యుత్ సరఫరా లేకపోవటంతో పెను ప్రమాదం తప్పింది.