ప్రకాశం జిల్లా అద్దంకి పట్టణంలో లాక్డౌన్ నేపథ్యంలో పనులు లేక... సొంత గూటికి వెళ్ల లేక ఇబ్బంది పడుతున్న పది మంది కర్నూలు వాసులకు దాతలు అండగా నిలిచారు. ఇంటిలోని వస్తువులమ్మి వీరు ఆకలి తీర్చుకుంటున్న వైనంపై ‘ఈనాడు- ఈటీవీ భారత్’లో శుక్రవారం కథనం ప్రచురితమైంది. దీనికి స్పందించిన విశ్వబ్రాహ్మణ సంఘం నాయకులు బియ్యం, నిత్యావసర సరకులను వారికి సమకూర్చారు. ఎస్సై వి.మహేష్ ఆధ్వర్యంలో వీటిని అందించారు.