'నెల్లూరు రూరల్ నియోజకవర్గలో రూ.20కోట్లతో అభివృద్ధి పనులు'

నెల్లూరు రూరల్ నియోజకవర్గలోని పలు డివిజన్లలో రూ.20కోట్లతో అభివృద్ధి పనులు చేపట్టనున్నట్లు... స్థానిక ఎమ్మెల్యే కోటంరెడ్డి శ్రీధర్​రెడ్డి తెలిపారు. ఈ సందర్భంగా అక్కడ నెలకొన్న సమస్యలపై ఎమ్మెల్యే.. కమిషనర్​తో చర్చించి, డివిజన్ల వారీగా వినతిపత్రాలను అందజేశారు.

నెల్లూరు రూరల్ నియోజకవర్గ పరిధిలోని 26 డివిజన్లలో అభివృద్ధి పనులు చేపట్టనున్నట్లు స్థానిక ఎమ్మెల్యే కోటంరెడ్డి శ్రీధర్​రెడ్డి తెలిపారు. ఈ సందర్భంగా కార్పొరేషన్ కమిషనర్ దినేష్​కుమార్​ను డివిజన్ ఇన్​ఛార్జీలతో పాటు.. ఎమ్మెల్యే కలిశారు. అక్కడ నెలకొన్న ప్రధాన సమస్యలపై కమిషనర్​తో చర్చించి, డివిజన్ల వారీగా వినతిపత్రాలు అందజేశారు. 15వ ఆర్థిక సంఘం నిధులు, కార్పొరేషన్ జనరల్ ఫండ్స్​ను వినియోగించి దాదాపు రూ.20కోట్లతో అభివృద్ధి పనులు చేపట్టనున్నట్లు శ్రీధర్​రెడ్డి చెప్పారు. వారం రోజుల్లో టెండర్లను పిలిచి, పనులు ప్రారంభిస్తామని తెలిపారు. వైఎస్సార్ నగర్​లో నెలకొన్న తాగునీటి సమస్య పరిష్కరించేందుకు చర్యలు తీసుకుంటామని ఆయన పేర్కొన్నారు.

ఇదీ చదవండి: