కరోనా సమయంలో ఎంతో మందికి చేయూతనందించిన రియల్ హీరో సోనూసూద్.. మరోసారి తన దాతృత్వాన్ని చాటుకున్నారు. ఆక్సిజన్ అందక ఎంతో మంది ప్రాణాలు కోల్పోవడంతో చలించిన ఆయన.. నెల్లూరు జిల్లాలో ఆక్సిజన్ ప్లాంట్ ఏర్పాటు చేస్తానని ప్రకటించారు. చెప్పిన మాట ప్రకారం.. ప్లాంట్ను నెల్లూరు జిల్లాకు పంపించారు. నగరంలోని అయ్యప్పగుడి సెంటర్ వద్దకు చేరుకున్న ఆక్సిజన్ ప్లాంట్కు.. సోనూసూద్ అభిమానులు ఘన స్వాగతం పలికారు.
సర్వమత ప్రార్ధనలు నిర్వహించి, బాణాసంచా కాల్చి ఆయనకు అభినందనలు తెలిపారు. జిల్లాలోని ఆత్మకూరు ప్రభుత్వ వైద్యశాలలో ఈ ప్లాంట్ ఏర్పాటు చేయనున్నారు. తన దాతృత్వంతో.. నిజమైన హీరోగా సోనూసూద్ ప్రజల గుండెల్లో స్థానం సంపాదించారని ఆయన అభిమానులు కొనియాడారు.