'నాడు ఒక హెడ్​మాస్టర్ ఉండేవారు.. నేడు లేరు'

నాడు ఒక హెడ్​మాస్టర్​ ఉండేవారు, నేడు లేరు.. ఇదేనా మీ నాడు-నేడు అని తెదేపా అధినేత చంద్రబాబు వైకాపా ప్రభుత్వం పై మండిపడ్డారు. గురుదేవో భవః అని భావించే సమాజం మనదని గుర్తుచేశారు.

నెల్లూరులోని మనుబోలు జడ్పీ హైస్కూల్ హెడ్​మాస్టర్​ రమేశ్​ కుమార్ తనకు కరోనా పాజిటివ్ సోకింది. ఆసుపత్రిలో చేర్చుకుని తన ప్రాణాలను కాపాడమని.. అధికారులను, వైకాపా నేతలను వేడుకున్నా ఎవరూ పట్టించుకోకపోవడంపై చంద్రబాబు ఆగ్రహం వ్యక్తంచేశారు. చివరికి రమేశ్​ కన్నుమూశారని, ఈ రాష్ట్రంలో అసలు పాలనా యంత్రాంగం ఉందా? అని ప్రశ్నించారు. తమ ప్రాణాలను కాపాడమని వేడుకుంటూ చనిపోడానికా ప్రజలు ఓట్లేసి అధికారమిచ్చిందని చంద్రబాబు నిలదీశారు. ఇలాంటి వీడియోలు చూస్తుంటే బాధేస్తోందన్నారు. ప్రభుత్వంలో మాత్రం స్పందన లేదంటూ సంబంధించిన విడియోను ట్విట్టర్​లో పోస్ట్ చేశారు.

ఇదీ చదవండి:పేదలకు ఇళ్ల స్థలాల పంపిణీ మళ్లీ వాయిదా