ప్రేమను చాటుకున్న యజమాని.. పెంపుడు శునకానికి బర్త్​డే

పెంపుడు జంతువులపై ప్రేమ ఉన్న వారు వాటిని పెంచుకుంటారు. కుటుంబ సభ్యులతో సమానంగా చూస్తారు. వాటి ఆహార్యం, భోజనం వంటి విషయాల్లో ప్రత్యేక శ్రద్ధ చూపుతారు. కానీ కర్నూలు జిల్లా బండి ఆత్మకూరు మండలం సింగవరం గ్రామానికి చెందిన ఓ వ్యక్తి.. తన పెంపుడు శునకానికి జన్మదిన వేడుకలు నిర్వహించారు.

కర్నూలు జిల్లా బండి ఆత్మకూరు మండలం సింగవరం గ్రామంలో ఉండే వెంకటసుబ్బయ్య గౌడ్​ అనే వ్యక్తి అతని పెంపుడు శునకం(చిన్న)కు పుట్టినరోజు జరిపించారు. ఇరుగుపొరుగు వారిని పిలిచి ఘనంగా వేడుకను నిర్వహించారు. అందరి మధ్య కేక్​ కట్​ చేసి.. పంచిపెట్టారు.

వెంకట సుబ్బయ్యకు సంతానం లేదు. ఇలా పెంపుడు జంతువులకు జన్మదిన వేడుకలు జరిపించి ఆనందపడుతుంటాడు. శునకానికి ఇది రెండో జన్మదినం అని తెలిపారు. గతంలోనూ… అతను పెంచుకున్న ఆవుదూడకు మూడుసార్లు పుట్టినరోజు వేడుక నిర్వహించినట్లు స్థానికులు చెప్పారు.

ఇదీ చదవండి:ఎండ వేడిమి తట్టుకోలేక మృత్యువాత పడ్డ కోళ్లు