'అధికారంలో ఉన్న పెద్దల భవిష్యత్తు త్వరలో తేలనుంది'

రాజకీయ నాయకులపై కేసుల విచారణ త్వరితగతిన పూర్తికానున్న నేపథ్యంలో రాష్ట్రంలోని పెద్దల భవిష్యత్తు అతి త్వరలో తేలనుందని తేదెపా పొలిట్ బ్యయూర సభ్యుడు వర్ల రామయ్య వ్యాఖ్యానించారు. "లోనా - బయటా" పజిల్​కు పరిష్కారం దొరకనుందని ట్వీట్ చేశారు.

రాజకీయ నాయకులపై కేసుల విచారణ న్యాయస్థానాల్లో త్వరితగతిన పూర్తి కానున్నందున అధికారంలో ఉన్న పెద్దల భవిష్యత్తు త్వరలో తేలనుందని తెదేపా పొలిట్ బ్యూరో సభ్యుడు వర్ల రామయ్య విమర్శించారు. లోనా లేక బయటా అనే పజిల్​కు త్వరలో పరిష్కారం లభించనుందని చెప్పారు. రాష్ట్ర ప్రజల అనుమానం పటాపంచలు కానున్నందున అంతా అప్రమత్తంగా దీనిని గమనించాలి అంటూ ట్వీట్ చేశారు. మరోవైపు ముఖ్యమంత్రి జగన్​ను విమర్శిస్తూ మాజీమంత్రి బండారు సత్యనారాయణ ట్వీట్ చేశారు.

కరోనా బాధితులు కూడా ఒక నెలలో హోం క్వారంటైన్ నుంచి బయటకు వస్తున్నారు. తాడేపల్లి క్వారంటైన్​లో ఉంటున్న జగన్ రెడ్డి మాత్రం నెలల తరబడి బయటకు రావట్లేదు. కేసుల భయంతో దిల్లీ పర్యటనకు మాత్రమే ఇంట్లో నుంచి కాలు బయట పెడుతున్నారు. వానొచ్చినా, వరదొచ్చినా, చివరకు సొంత పార్టీ ఎంపీ చనిపోయినా ఆ కాలు బయటకు కదల్లేదు. సీబీఐ కోర్టుకు రోజూ రమ్మంటే కళ్ల నుంచి ఇక కృష్ణ, గోదావరి వరదలేనా- బండారు సత్యనారాయణ, మాజీ మంత్రి