విజయవాడ పాతబస్తీలో దొంగల బీభత్సం
విజయవాడలో దోపిడీ దొంగలు రెచ్చిపోయారు. ముగ్గురు యువకులు అర్థరాత్రి ప్రగతి ట్రాన్స్పోర్టు గోడౌన్ సిబ్బందిపై దాడిచేశారు. నాలుగు లక్షల రూపాయలు దోచుకున్నారు. గాయాలైన సిబ్బందిని ఆసుపత్రికి తరలించారు. సీసీటీవీ కెమెరా దృశ్యాల ఆధారంగా పోలీసులు దర్యాప్తు చేస్తున్నారు. సంఘటన తీరును చూస్తే.. సంస్థ గురించి తెలిసిన వారే ఈ ఘటనకు పాల్పడి ఉంటారని పోలీసులు భావిస్తున్నారు. దోపిడీ జరిగిన ప్రాంతాన్ని డీసీపీ విజయరావు పరిశీలించారు. ట్రాన్స్‌పోర్టులో పనిచేస్తున్న సిబ్బందిని విచారించారు. నిందితుల కోసం 4 ప్రత్యేక బృందాలను ఏర్పాటు చేశామని డీసీపీ తెలిపారు. దోపిడీ చేసేముందు నిందితులు రెక్కీ నిర్వహించినట్లు గుర్తించామని.. త్వరలోనే దొంగలను పట్టుకుంటామని స్పష్టంచేశారు.