కృష్ణాజిల్లా నాగాయలంక మండలం తలగడదీవి గ్రామంలోని ప్రభుత్వ జిల్లా పరిషత్ ఉన్నత పాఠశాల విద్యార్ధులు రూపొందించిన ప్రాజెక్టు రాష్ట్ర స్థాయి సైన్స్ కాంగ్రెస్కు ఎంపికైంది. ఈ నెల 2న విజయవాడలోని ప్రాంతీయ విజ్ఞాన కేంద్రంలో జరిగిన జిల్లా స్థాయి పోటీల్లో 9వ తరగతి చదువుతున్న బండిరెడ్డి యశశ్రీ, మాధవి, కొరివి సునందిని, సువర్ణ రూపొందించిన ''మట్టి లేకుండా వ్యవసాయం '' ప్రాజెక్ట్లో సత్తా చాటి రాష్ట్ర స్థాయికి ఎంపికయ్యారు. జిల్లా స్థాయిలో అన్ని పాఠశాల నుంచి సుమారు 316 ప్రాజెక్ట్లు రాగా... వీరు చేసిన ప్రాజెక్ట్ రాష్ట్ర స్థాయిలో ఎంపికైంది. ఇదే బడిలో 9వ తరగతి చదువుతున్న బండిరెడ్డి ఇందుజ, బర్మా నాగ పూజిత చేసిన '' ఎరువుల కాలుష్యానికి సహజ పరిష్కారం '' ప్రాజెక్ట్కు జిల్లా స్థాయిలో బహుమతి లభించింది.
వివిధ రంగాల్లో రాణిస్తూ...
మూడేళ్లుగా తమ పాఠశాల విద్యార్థులు జాతీయ బాలల సైన్స్ కాంగ్రెస్కు ఎంపికై... రాష్ట్ర స్థాయిలోనూ అవార్డులు సాధించినట్లు ఉపాధ్యాయుడు ఉదయ్ కుమార్ తెలిపారు. గత నెలలో జపాన్లో జరిగిన ప్రపంచ సునామీ సదస్సులోనూ విద్యార్ధులు పాల్గొని సత్తా చాటారన్నారు. వివిధ రంగాల్లో రాణిస్తున్న విద్యార్థులను వారి తల్లిదండ్రులు, ఉపాధ్యాయులు అభినందిస్తున్నారు.
వినూత్న ఆలోచనలతో శభాష్‌ అనిపించుకుంటున్న విద్యార్థులు
ప్రైవేటు పాఠశాలల విద్యార్థులకు ఏ మాత్రం తీసిపోకుండా గట్టి పోటీనిస్తూ రాష్ట్ర స్థాయికి ఎంపికయ్యారు ఈ విద్యార్థులు. కృష్ణా జిల్లా తలగడదీవి గ్రామంలోని ప్రభుత్వ ఉన్నత పాఠశాల విద్యార్థులు రాష్ట్ర స్థాయి సైన్స్ కాంగ్రెస్కు ఎంపికయ్యారు. తమ విద్యార్థులు ఇలా రాష్ట్ర స్థాయిలో రాణించడం ఇది మూడోసారి అని ఉపాధ్యాయులు తెలిపారు.
బహుమతులతో విద్యార్థులు
రాష్ట్ర స్థాయిలో రాణిస్తున్న ప్రభుత్వ పాఠశాల విద్యార్థులు
ఇదీ చదవండి: పసిడి గెలుచుకున్న 'అటానమస్ కారు'