నాడు – నేడులో భాగంగా పాఠశాలల అభివృద్ధి పనుల నాణ్యతపై రాజీపడొద్దని రాష్ట్ర విద్యా శాఖ మంత్రి ఆదిమూలపు సురేష్ స్పష్టం చేశారు. ఈ నెల 25 నుంచి రాష్ట్రంలో అన్ని పాఠశాలలకూ ఫర్నీచర్, ఫ్యాన్లు, శానిటరీ తదితర మెటీరియల్స్ పంపిణీ ప్రారంభించాలని ఆదేశించారు.
సెప్టెంబర్ 5 నుంచి నూతన విద్యా సంవత్సరం ప్రారంభమయ్యే అవకాశముందని, ఆలోగా 7 నుంచి 10 తరగతి విద్యార్థులకు పాఠ్య పుస్తకాలు పంపిణీ చేయాలని స్పష్టం చేశారు. సచివాలయం నుంచి నాడు నేడుపై సమీక్షించిన మంత్రి మరుగుదొడ్లు, సురక్షితమైన తాగునీటి సరఫరా తదితర మౌలిక సదుపాయలు, అభివృద్ధి పనులపై నిర్లక్ష్యం వహిస్తే సహించేది లేదని హెచ్చరించారు.