కూతురు ప్రేమపెళ్లి చేసుకుందని సహించలేక అల్లుడు ఇంటిపై మామ దాడి చేసిన ఘటన కృష్ణా జిల్లా నందిగామలో జరిగింది. స్థానికులు తెలిపిన వివరాల ప్రకారం.... నందిగామకు చెందిన రాయపాటి సుశ్మిత (22)కేవీఆర్ కళాశాలలో డిగ్రీ చదివింది. అదే కళాశాలలో చదివే తోటకూర వెంకటేష్(22)తో ప్రేమలో పడింది. పెళ్లిచేసుకుందామని ఇద్దరు తమ తమ ఇళ్లలో చెప్పారు. అబ్బాయి కుటుంబం పెళ్లికి అంగీకరించింది. అమ్మాయి తండ్రి మాత్రం కులాంతర ప్రేమకు ససేమిరా అన్నాడు. దాంతో అబ్బాయి కుటుంబం సమక్షంలో సుశ్మిత వెంకటేష్ పెళ్లి చేసుకున్నారు. కూతరు ఇష్టం లేని పెళ్లి చేసుకుందని కక్ష పెంచుకున్న తండ్రి... బంధువులతో అర్థరాత్రి అబ్బాయి ఇంటిపైకి దాడికి దిగారు. ఈ ఘటనలో వెంకటేష్ కుటుంభీకులకు స్వల్ప గాయాలయ్యాయి. అనంతరం ఇరువురు తల్లిదండ్రులు నందిగామ పోలీస్ స్టేషన్లో ఫిర్యాదు చేశారు. పోలీసులు కేసు నమోదు చేసుకుని విచారిస్తున్నారు.
కూతురు కులాంతర వివాహం చేసుకుందని... ఆ తండ్రి ఏంచేశాడంటే!
కూతూరు కులాంతర వివాహం తండ్రి మనసులో కక్షను పెంచింది. పెంచి పెద్దచేసిన కూతురు ఇష్టంలేకుండా ప్రేమ పెళ్లిచేసుకోడాన్ని సహించలేకపోయింది ఆ కుటుంబం ... ఫలితంగా అల్లుడు ఇంటి మీదకి దాడికి దిగారు. ఈ ఘటన కృష్ణా జిల్లా నందిగామలో చోటుచేసుకుంది.
కూతురు కులాంతర వివాహం చేసుకుందని... ఆ తండ్రి ఏంచేశాడంటే!