కృష్ణా జిల్లాలో కరోనా ప్రభావం.. యంత్రాంగం అప్రమత్తం

కృష్ణా జిల్లాలో కరోనా కేసులు పెరుగుతుండడంపై యంత్రాంగం అప్రమత్తమైంది. ఇప్పటికే కొన్ని ప్రాంతాలను రెడ్​ జోన్లుగా ప్రకటించిన అధికారులు వైరస్​ వ్యాప్తి నివారణకు అన్ని చర్యలు తీసుకుంటున్నారు. కేసుల సంఖ్య పెరగకుండా జాగ్రత్త పడుతున్నారు. ఇప్పటివరకూ 35 కరోనా కేసులు నమోదైనట్లు అధికారులు తెలిపారు.

రాష్ట్రంలో కరోనా కేసులు పెరుగుతుండడంపై అధికారులు అప్రమత్తమయ్యారు. కృష్ణా జిల్లాలో ఇప్పటివరకూ 35 కరోనా కేసులు నమోదయ్యాయి. విజయవాడలోనే ఎక్కువ కేసులు పాజిటివ్​ రావడం గమనార్హం. కరోనా వల్ల జిల్లాలో ఇద్దరు మృత్యువాత పడగా.. మరో ఇద్దరు ఆస్పత్రి నుంచి డిశ్చార్జి అయ్యారు. కేసుల సంఖ్య పెరగకుండా ఉన్నతాధికారులు చర్యలు తీసుకుంటున్నారు. ఇప్పటికే వైరస్​ తీవ్రత ఎక్కువగా ఉన్న ప్రాంతాలను రెడ్​ జోన్లుగా ప్రకటించారు. అనుమానిత లక్షణాలున్న వారిని క్వారంటైన్​ కేంద్రాలకు తరలిస్తున్నారు.

సీపీ పరిశీలన

విజయవాడ నగరంలోని పాతరాజరాజేశ్వరిపేట ప్రాంతాన్ని రెడ్​ జోన్​గా ప్రకటించిన నేపథ్యంలో సీపీ ద్వారకా తిరుమలరావు అక్కడ పర్యటించారు. కరోనా నేపథ్యంలో ఇళ్ల నుంచి ఎవరూ బయటకు రావద్దని ప్రజలకు సూచించారు.

క్వారంటైన్​ కేంద్రాల్లో పౌష్టికాహారం

కరోనా లక్షణాలున్న వారిని అధికారులు క్వారంటైన్​ కేంద్రాల్లో చేర్చారు. పెడనలోని క్వారంటైన్​ కేంద్రాన్ని కలెక్టర్​ పరిశీలించారు. క్వారంటైన్​లో ఉన్న పౌష్టికాహారం అందిస్తున్నట్లు తెలిపారు.

ఇదీ చూడండి