పోలవరం వద్ద అక్రమ మద్యం పట్టివేత
రాష్ట్రంలో మద్యం ప్రవాహాన్ని అరికట్టేందుకు అధికారులు ఎన్ని కఠిన చర్యలు తీసుకుంటున్నా... అక్రమార్కులు కొత్త దారులు తొక్కుతూనే ఉన్నారు. రోజుకో రూపంలో ఇతర రాష్ట్రాల నుంచి సరిహద్దులు దాటించే ప్రయత్నాలు చేస్తూనే ఉన్నారు. పొట్ట చుట్టూ మద్యం సీసాలను ప్లాస్టర్‌తో అంటించుకుని... రవాణా చేస్తున్న వ్యక్తులను కృష్ణా జిల్లా చాట్రాయి మండలం పోలవరం వద్ద పోలీసులు అదుపులోకి తీసుకున్నారు. వీరి నుంచి వంద మద్యం సీసాలు స్వాధీనం చేసుకున్నారు. వారిపై కేసు నమోదు చేశారు.