AGRICULTURAL LABORER DIED DUE TO PALM TREE : మృత్యువు ఏ సమయంలో.. ఏ రూపంలో వస్తుందో ఊహించటం చాలా కష్టం. సరిగ్గా ఇలాంటి ఘటనే కాకినాడ జిల్లాలో చోటుచేసుకుంది. పొలం పని ముగించుకుని.. బైక్‌పై ఇంటికి వెళ్తుండగా.. తాటిచెట్టు పడి.. వ్యవసాయ కూలీ మృతి చెందాడు. కరప మండలంలోని గొర్రిపూడిలో సుబ్బరాజు అనే వ్యయసాయ కూలీ.. పొలం పనికి వెళ్లి ద్విచక్ర వాహనంపై ఇంటికి తిరిగి వెళ్తున్నాడు. సరిగ్గా మంత్రాల తూము వద్దకు వచ్చేసరికి తాటిచెట్టు మీద పడి.. తల నుజ్జునుజ్జు కావడంతో.. సుబ్బరాజు అక్కడికక్కడే ప్రాణాలు విడిచాడు. కూలీ మృతితో గ్రామంలో విషాదం నెలకొంది.
కాకినాడలో విషాదం.. తాటిచెట్టు పడి వ్యవసాయ కూలీ మృతి