19:54 September 29
attack on RI breaking
గుంటూరు జిల్లాలోని రొంపిచర్ల ఆర్ఐ కొమరగిరి సుబ్బారావుపై కొందరు గుర్తు తెలియని ఇద్దరు యువకులు దాడి చేశారు. అన్నారం గ్రామశివారులో బుధవారం సాయంత్రం ఈ ఘటన జరిగింది. తీవ్రగాయాలైన ఆర్ఐను నరసరావుపేటలోని ఓ ప్రయివేట్ వైద్యశాలకు తరలించి చికిత్సనందించారు.
వెంబడించి..
రొంపిచర్ల తహసీల్దారు కార్యాలయంలో రెవెన్యూ ఇన్స్పెక్టర్గా విధులు నిర్వహిస్తున్న కొమరగిరి సుబ్బారావు, జూనియర్ అసిస్టెంట్ ముట్లూరి గ్రేస్ కమలిలు సాయంత్రం విధులు ముగించుకుని ద్విచక్రవాహనంపై నరసరావుపేటకు బయలుదేరారు. అయితే వారిని తుంగపాడు గ్రామం వద్ద నుంచి ఇద్దరు యువకులు అనుసరిస్తూ వచ్చారు. అన్నారం గ్రామం వద్దకు రాగానే ఒక్కసారిగా ఇద్దరు వ్యక్తులు ద్విచక్ర వాహనానికి అడ్డుగా వచ్చి కర్రతో ఇద్దరిపై దాడి చేసి పారిపోయారు.
సమాచారం తెలుసుకున్న తహసీల్దార్ కార్యాలయ సిబ్బంది ఘటనాస్థలానికి చేరుకుని గాయపడిన బాధితులను 108 నరసరావుపేటలోని ఓ ప్రయివేట్ వైద్యశాలకు తరలించారు. బాధితుని ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.