మందడం ఘటనపై ఎన్​హెచ్​ఆర్​సీకి తెదేపా ఫిర్యాదు

కేంద్ర మానవ హక్కుల సంఘాన్ని(ఎన్​హెచ్​ఆర్​సీ) తెదేపా ఎంపీ కనకమేడల రవీంద్ర కుమార్ కలిశారు. అమరావతిలోని మందడంలో నిరసన తెలియజేస్తున్న మహిళలపై పోలీసులు దాడి చేసి గాయపరిచారని ఎన్​హెచ్​ఆర్​సీ ఛైర్మన్‌కు ఆయన ఫిర్యాదు చేశారు. బాధ్యులపై చర్యలు తీసుకోవాలని కోరారు.

అమరావతినే రాజధానిగా కొనసాగించాలంటూ మందడం మహాధర్నాలో నిరసన తెలియజేస్తున్న మహిళల పట్ల పోలీసులు తీరుపై కేంద్ర మానవ హక్కుల సంఘానికి తెదేపా ఫిర్యాదు చేసింది. బాధితులపై చర్యలు తీసుకోవాలని దిల్లీలో ఎన్​హెచ్​ఆర్​సీ ఛైర్మన్‌కు తెదేపా ఎంపీ కనకమేడల రవీంద్రకుమార్ ఫిర్యాదు పత్రం అందజేశారు. ఎలాంటి నోటీసులు ఇవ్వకుండా పోలీసులు వారిపై దాడి చేసి అమానుషంగా ప్రవర్తించారని ఫిర్యాదులో పేర్కొన్నట్లు కనకమేడల వెల్లడించారు. దీనికి ఎన్​హెచ్​ఆర్​సీ సానుకూలంగా స్పందించిందని... ఘటనపై విచారించి చర్యలు తీసుకుంటామని హామీ ఇచ్చినట్లు ఆయన తెలిపారు.

సంబంధిత కథనాలు