సంఖ్యా బలంతో అసెంబ్లీ నిర్వహించి బిల్లు ఆమోదించాలని చూస్తే అది మీ అహంకారానికి చిహ్నంగా మిగిలిపోతుందని తెదేపా మాజీమంత్రి ఆలపాటి రాజా అన్నారు. గుంటూరులోని హోం మంత్రి ఇంటివద్ద నిరసనకు వెళ్లిన అమరావతి అఖిలపక్షం నాయకులను, మహిళా నాయకులను పోలీసులు అదుపులోకి తీసుకుని... నల్లపాడు పోలీసు స్టేషన్కు తరలించి నిర్బంధించారు. పోలీస్ స్టేషన్లోనే డౌన్ డౌన్ సీఎం అంటూ అఖిలపక్షం నాయకులు ఆందోళనకు దిగారు. ఐదు కోట్ల ఆంధ్రులు, రైతులు, మహిళలు గత 34 రోజులుగా రాజధాని కోసం ఆందోళనలు చేస్తుంటే... ముఖ్యమంత్రి జగన్మోహన్రెడ్డికి చీమకుట్టినంతైనా లేదన్నారు. తాను పట్టిన కుందేలుకు మూడే కాళ్ళు అన్న ధోరణిలో జగన్ వ్యవహారిస్తున్నారన్నారు. శాంతియుతంగా ర్యాలీలు, ధర్నాలు, నిరసనలు చేస్తుంటే వారిని నిర్బంధించి స్టేషన్లకు తరలించడం దారుణమని తెలిపారు.
తెదేపా మాజీ మంత్రి ఆలపాటి రాజా