బ్రిడ్జిపై జరిగిన రోడ్డు ప్రమాదంలో ఓ వ్యక్తి మృతి చెందిన సంఘటన గుంటూరు జిల్లా చిలకలూరిపేటలో జరిగింది. ప్రకాశం జిల్లా తాళ్లూరుకు చెందిన మాతాని ప్రసాద్ (26) ద్విచక్రవాహనంపై గుంటూరు వెళ్లి చెన్నై-కోలకత్తా 16వ నెంబర్ జాతీయ రహదారిలో తిరిగి వస్తున్నాడు.
ఓగేరు వాగు వంతెనపై వెళుతున్న బస్సును ఓవరు టేక్ చేయబోయి బస్సుకు తగిలి కిందపడ్డాడు. వెనకనుంచి వస్తున్న లారీ అతని మీద నుంచి దూసుకెళ్లింది. దాంతో అతను అక్కడికక్కడే మృతి చెందాడు. ప్రమాద దృశ్యాలు సీసీ కెమెరాల్లో నిక్షిప్తమయ్యాయి. మృతదేహాన్ని చిలకలూరిపేట ప్రభుత్వ ఆసుపత్రికి తరలించారు. సంఘటన స్థలాన్ని చిలకలూరిపేట అర్బన్ ఎస్ఐ నరసదాసు పరిశీలించి.. కేసు నమోదు చేసుకుని దర్యాప్తు చేస్తున్నారు.
ఇదీ చదవండి:ఆత్మహత్య చేసుకుందామని పట్టాలపై పడుకున్నాడు.. చివరికి..?