గుంటూరు జిల్లా ఫిరంగిపురం మండలం నుదురుపాడు గ్రామంలో తెదేపాకు చెందిన ఆర్చ్ని అధికార పార్టీకి చెందిన నాయకులు ఉద్దేశపూర్వకంగా పడగొట్టారని నేతలు పోలీసులకు ఫిర్యాదు చేశారు. ఆర్చ్ని కూల్చేయడం దారుణమని మాజీ ఎంపీపీ పెరికల అన్నమ్మ అన్నారు. వైకాపా దళిత ఓట్లతో అధికారంలోకి వచ్చి దళితులపై కపట ప్రేమ చూపిస్తోందని మండిపడ్డారు.
నుదురుపాడులో గత ప్రభుత్వం కోటిన్నర రూపాయలు పెట్టి ఎన్టీఆర్ గృహాలు, సీసీ రోడ్లను నిర్మించారని.. వాటి గుర్తుగా ఆర్చ్ ఏర్పాటు చేసుకుంటే దాని కూల్తివేశారని ఆవేదన వ్యక్తం చేశారు. వైకాపా ప్రభుత్వానికి కూల్చివేయడం తప్ప కట్టడం చేత కాదని తేదేపా జిల్లా బీసీ సెల్ నాయకులు పసల థామస్ ఎద్దేవా చేశారు. ఆర్చ్ కూల్చిన వారిపై చర్యలు తీసుకోవాలని విజ్ఞప్తి చేశారు.